Өрөспүүбүлүкэҕэ “Бастыҥ дьиэ кэргэн-2021” ХХ үбүлүөйдээх куонкурус түмүктэннэ, кыайыылаахтары эҕэрдэлээтилэр. Быйыл 23 улуустан 63 дьиэ кэргэн кыттыбыт.
Ол курдук, куонкурус хас да номинациялаах, онно тус-туһунан кыайыылаахтар ааттаналлар. “Бастыҥ эдэр ыал” — Никитиннэр (Мэҥэ Хаҥалас), “Дьиэ кэргэн — үгэстэри үксэтээччи” — Дьячковскайдар (Чурапчы), “Тыа сирин бастыҥ ыала” — Быккасовтар (Үөһээ Бүлүү), “Бастыҥ элбэх оҕолоох ыал” — Павловтар (Горнай), “Бастыҥ көс ыал” — Семеновтар (Өлөөн) буоллулар.
Үлэ, социальнай сайдыы миниистирэ Елена Волкова бастыҥ ыаллары эҕэрдэлээн, сэртипикээттэри, бириистэри туттарда.
Бу кыайыылаахтар Бүтүн Арассыыйатааҕы күрэскэ баран кыттыахтарын сөп. Былырыын Ньурба Антоновкатыттан Дойдуковтар баран ситиһиилээхтик кыттыбыттара.
Бастыҥ ыаллары быһаарар күрэс онус төгүлүн ыытыллар. Саха сиригэр төрөөһүн өлүүттэн элбэх, Уһук Илин эрэгийиэнигэр төрөөһүн көрдөрүүтүнэн бастаан иһэр. 2019 сыллаахха 12 817 оҕо, 2020 сылга 13 097 оҕо күн сирин көрбүтэ. Бу төрөөбүт оҕолор 40 бырыһыаннара элбэх оҕолоох дьиэ кэргэттэргэ күн сирин көрөллөр.
Ангелина Васильева, “Саха сирэ” хаһыат, edersaas.ru