«Саха сирин киэн туттуута» норуот бириэмийэтигэр куоластааһын саамай тыҥааһыннаах кэмнэрэ үүннүлэр.
edersaas.ru
«Сахамедиа» биллэрбит интэриниэт куоластааһын бу түһүмэҕэ бастыҥ предприниматели талыыга туһуламмыта. Өрөспүүбүлүкэ 19 улууһуттан 24 урбаанньыт бэйэ-бэйэлэрин кытта киирсэн эрэллэр. Куонкурус бээтинсэҕэ, олунньу 9 күнүгэр түмүктэнэр. Финалга тахсыбыт биэс киһи олунньу 12 күнүттэн 16 күнүгэр диэри бастыыр иһин күрэстэһиэ.
Предприниматель куонкуруһугар кимнээх кыттан, бастыҥнар кирбиилэригэр киирдилэр? Олунньу 8 күнүнээҕи 13:00 ч. түмүгүнэн, Руслан Федотов, Александр Никифоров, Виктория Федорова, Александра Явловская уонна Владимир Чириков бастаан иһэллэр:
— Руслан Федотов, Амма улууһа — «Руслан» маҕаһыын, «Лээги» эргиэн киинэ (Мэҥэ Хаҥалас улууһун Аллараа Бэстээх бөһ.)— 3586 куолас ✅
— Александр Никифоров, Дьокуускай к. «КопирТехСервис» ХЭТ — 2428 куолас✅
— Виктория Федорова, Дьокуускай к. «Виктория» миэбэл салона, «Victory Clinic» медицинэ килииникэтэ — 2187 куолас ✅
— Александра Явловская, Орто Халыма улууһа, «Аспект» ХЭТ, «Алазея» атыы-эргиэн, гостиница комплекса — 1968 куолас ✅
— Владимир Чириков — Дьааҥы улууһа — «Арктика» ХЭТ — 1966 куолас✅
Олунньу 9 күнүгэр 12:00 куоластааһын түмүктэнэр. ❌
«Бастыҥ» номинация иһин куонкурус үлэ түмүгүн таһаарар, талааннары көрдүүр куоластааһын буолбатах. Бу аттыбытыгар үлэлии сылдьар, таптыыр идэлэригэр таба тайаммыт үлэттэн дьоллонор дьону кэмигэр бэлиэтээн көрүү буолар. Кинилэргэ махтал тылларын саамай күөгэйэр күннэригэр сырыттахтарына этэн үөрдүү.
Бэлиэтээн эттэххэ, «Саха сирин киэн туттуута» бырайыак Саха сирин судаарыстыбаннаһын күнүгэр биллэриллибитэ. Ол курдук, алтынньыга ыытыллыбыт «Бастыҥ учуутал » номинацияҕа Чурапчы оскуолатын учуутала Владислав Кривошапкин, сэтинньигэ — «Ыччат лиидэрэ» номинацияҕа ХИФУ профсойууһун кэмитиэтин салайааччыта Артём Иванов кыайбыттара. Ахсынньыга «Быраас» номинацияҕа кыайыылааҕынан 2 №-дээх өрөспүүбүлүкэтээҕи балыыһа бырааһа Степан Тордуин, оттон «Култуура диэйэтэлэ» номинацияҕа Сунтаарга үҥкүү бөлөҕүн салайар Августина Клакинова бэлиэтэммитэ.