Учуутал күнүн иитинэн СӨ Үөрэҕин уонна наукатын миниистирэ Михаил Сивцев Саха сирин бастыҥ учууталларын кытта онлайн көрүстэ, истиҥ эҕэрдэтин тиэртэ.
СӨ Ил Дарханын ыйааҕынан үөрэх эйгэтигэр үтүөлэрин, өрөспүүбүлүкэ социальнай-экэнэмиическэй сайдыытыгар кылааттарын итиэннэ үгүс сылларга үтүө суобастаах үлэлэрин иһин “СӨ үөрэҕин үтүөлээх үлэһитэ” бочуоттаах ааты иҥэрдилэр:
— Бережнова Раиса Владимировнаҕа, А.Е. Слепцов аатынан Абый улууһун Абый орто оскуолатын дириэктэригэр;
— Борохина Мария Эдуардовнаҕа, Амма улууһун Сэргэ Бэс оскуолатын дириэктэригэр.
“СӨ үтүөлээх учуутала” бочуоттаах ааты:
— Игнатьева Елена Дмитриевнаҕа, Алдан улууһун Алдан куорат 1-кы нүөмэрдээх орто оскуолатын алын кылааһын учууталыгар;
— Кривошапкина Валентина Семеновнаҕа, Таатта улууһун Н.Е. Мординов-Амма Аччыгыйын аатынан Харбалаахтааҕы үөрэх комплексын саха тылын уонна литэрэтиирэтин учууталыгар;
— Михайлова Тамара Владимировнаҕа, А.Г. уонна Н.К. Чиряевтар ааттарынан Дьокуускай куорат национальнай гимназиятын географияҕа учууталыгар;
— Пинигина-Сосина Равелла Иннокентьевнаҕа, Таатта улууһун А.И. Софронов аатынан Ытык Күөл 1-кы нүөмэрдээх орто оскуолатын биологияҕа учууталыгар.
РФ Үөрэҕириигэ миниистирин бирикээһигэр олоҕуран РФ бэрэсидьиэнин бириэмийэтэ туттарыллар:
— Тарасова Надежда Михайловнаҕа, Дьокуускай куорат уокуругун тиэхиньиическэй лиссиэйин физикаҕа учууталыгар;
— Уваровская Мария Ивановнаҕа, өрөспүүбүлүкэтээҕи лиссиэй-интэринээт информатикаҕа учууталыгар;
— Игнатьева Айталина Варламовнаҕа, Мэҥэ Хаҥалас улууһун В.П. Ларионов аатынан Майа орто оскуолатын химияҕа учууталыгар;
— Андреева Татьяна Сергеевнаҕа, Дьокуускай куорат 26-с нүөмэрдээх орто оскуолатын нуучча тылын уонна литэрэтиирэтин учууталыгар;
— Фалина Алена Сталиевнаҕа, Алдан улууһун Алдан лиссиэйин физикаҕа, химияҕа учууталыгар;
— Кононова Надежда Гаврильевнаҕа, Хаҥалас улууһун С.П. Ефремов аатынан Булгунньахтаах орто оскуолатын алын кылааһын учууталыгар;
— Павлова Анжелика Николаевнаҕа, Өлүөхүмэ улууһун П.П. Ощепков аатынан Токо интэринээт-оскуолатын физикаҕа, информатикаҕа учууталыгар;
— Слепцова Сардаана Владимировнаҕа, Дьокуускай куораттааҕы саха политиэхиньиическэй лиссиэй физикаҕа учууталыгар;
— Илларионова Венера Илларионовнаҕа, Дьокуускай куораттааҕы национальнай гимназия нуучча тылын уонна литэрэтиирэтин учууталыгар;
— Алексеева Римма Григорьевнаҕа, Сунтаар улууһун Сунтаардааҕы политиэхиньиическэй лиссиэй-интэринээт физикаҕа учууталыгар.
Людмила ПОПОВА, “Саха сирэ” хаһыат, edersaas.ru
Хаартыска: СӨ Үөрэҕин уонна наукатын министиэристибэтин саайтыттан.