Уһук Илиҥҥэ бастыҥ инженер куонкуруһугар «Идэтийбит инженер» хайысхаҕа «Сургутнефтегаз» инженерэ Вячеслав Егоров кыайда. Кинини Арассыыйа Бэдэрээссийэтин Сэбиэтин чилиэнэ Вячеслав Штыров анал бирииһэ — «Нива» массыынанан наҕараадалаатылар. Вячеслав «Разработка и внедрение новых технических решений, направленных на повышение надёжности и улучшение эксплуатационных характеристик погружного оборудования для добычи нефти в осложнённых условиях эксплуатации» бырайыагы толкуйдаабыт.
Бүгүн Дьокуускайга «Мин — инженербин» куонкурус түмүгүн таһаардылар. «Эдэр инженер» хайысхаҕа «Разработка резиновых изделий с защитным покрытием» диэн бырайыагынан Сергей Тапыев кыайда.
Кыайыылааҕы биллэрэр үөрүүлээх тэрээһиҥҥэ «Мин — Инженербин» уопсастыбаннай киин бэрэссэдээтэлэ, Дьокуускай куорат дууматын дьокутаата Владимир Аммосов: «Быйылгы куонкуруска элбэх интэриэһинэй бырайыактаах эдэр инженердэр түмсүбүттэриттэн олус үөрдүм. Ураты көрүүлээх, олоҕу сайыннарар бырайыактар элбээн истиннэр», — диэн бэлиэтээн эттэ. СӨ бырабыыталыстыбатын бэрэссэдээтэлин солбуйааччы Алексей Колодезников, СӨ Үрдүкү инженернэй сэбиэтин бэрэссэдээтэлэ Виталий Басыгысов, «Точка опоры» пуонда толорооччу дириэктэрэ Георгий Башарин эҕэрдэ тылларын эттилэр.
Ол курдук, «Идэтийбит инженер» хайысхаҕа «Сургутнефтегаз» инженерэ Вячеслав Егоров кыайыылаах тахсан, “НИВА” массыынанан наҕараадаланна!
ЫСПЫРААПКА:
Куонкурус бастакы түһүмэҕэ кэтэхтэн, иккиһэ сайын «Хотугу Синергия» форум чэрчитинэн ыытыллыбыта. Манна 12 бастыҥ бырайыактаах эдэр дьон кэлбитэ, үлэлэрин эспиэрдэр сыаналаабыттара. Дьүүллүүр хамыыһыйаҕа Саха сиринээҕи “Инженердэр үрдүкү сэбиэттэрин” чилиэннэрэ, тутуу, энергетикэ, ОДьКХ, геологоразведка, сир баайын хостооһун, сибээс уонна информационнай технология инженердэрэ бааллар.
Куонкурус финала бэҕэһээ, сэтинньи 1 күнүгэр, Дьокуускайга баар “Точка кипения” кииҥҥэ ыытылынна.
Айтана Аммосова, edersaas.ru