Саха сиригэр “Бастыҥ дьиэ. Бастыҥ тиэргэн” Бүтүн Арассыыйатааҕы куонкурус эрэгийиэннээҕи түһүмэҕин түмүктэрин таһаардылар. Кыайыылаахтары алта номинацияҕа быһаардылар.
“Саамай доҕордуу дьиэ” ааты Дьокуускай куорат Покровскайдыыр аартык 5 килэмиэтирин 1-кы дьиэтин олохтоохторо, “Бастыҥ подъезд” ааты Короленко уулуссатын 21-с дьиэтэ, “Бастыҥ тиэргэн” – Федор Попов уулуссатын 10/1 №-дээх дьиэтэ ыллылар.
“Хапытаалынай өрөмүөнү ыытыы бастыҥ холобура” ааты 202-с түөлбэ 9-с куорпуһун олохтоохторо, “ТСЖ үлэтин бастыҥ холобура” – Нерюнгри куорат Ленин уулуссатын 6-с дьиэтэ, “Элбэх кыбартыыралаах дьиэ сэбиэтин бастыҥ үлэтэ” – Светлэй бөһүөлэгин Молодежнай уулуссатын 25-с дьиэтэ ыллылар.
“Бастыҥ дьиэ. Бастыҥ тиэргэн” куонкурус РФ Тутууга министиэристибэтин өйөбүлүнэн, от ыйыгар саҕаламмыта. Куонкуруһу “Биир ньыгыл Арассыыйа” баартыйа тэрийдэ. Кыайыылаахтары ыҥыран, наҕараадалары туттардылар.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru