«Сахаэнерго» тэрилтэ «Уһук Илиҥҥи гектар: сылааһынан уонна уотунан хааччыйыы бастыҥ бырайыага» диэн өрөспүүбүлүкэтээҕи өркөн өйдөөхтөр чөмпүйэнээттэрин тэрийэн ыытыаҕа.
https://edersaas.ru.
Бу күрэхтэһиигэ устудьуоннар уонна 35 саастарын туола илик аспираннар кыттар кыахтаахтар. Чөмпүйэнээт икки түһүмэхтээх. Бастатан туран, кыттааччылар Уһук Илиҥҥэ бэриллэр сирдэри туһаҕа таһаарыыга аналлаах бырайыактары толкуйдаан, суруйан, бэлэмнээн баран хамыыһыйаҕа ыыталлар. Оттон финалга киирбиттэр дьүүллүүр cүбэ иннигэр үлэлэрин көмүскүүллэр. Бастыҥтан бастыҥнар мэтээлинэн, дипломунан уонна харчынан наҕараадаланыахтара. Ол курдук, бастакы миэстэҕэ 40 тыһ.солк., иккискэ – 30 тыһ.солк., үһүскэ – 10 тыһ.солк. бэриллиэҕэ. «Сахаэнерго» куонкуруһун Уһук Илиҥҥэ киһи хапытаалын сайыннарыы агентствота өйөөтө. Дьүүллүүр cүбэҕэ бу тэрилтэ генеральнай дириэктэрин солбуйааччы Денис Кузин киирдэ. Кыайыылаахтары бэс ыйын 22 күнүгэр Дьокуускай куоракка солбуйар энергетикаҕа туһуламмыт норуоттар икки ардыларынааҕы научнай-практическай конференция чэрчитинэн ыытыллар «Сахаэнерго» быыстапкатын кэмигэр чиэстиэхтэрэ.
Күндү устудьуоннар, аспираннар, дьоллоох түгэни мүччү тутумаҥ, көхтөөхтүк кыттыҥ! Үлэлэргитин nakonkursSE@mail.ru электроннай аадырыска бэс ыйын 16 күнүгэр диэри ыытаргытын күүтэллэр. Сиһилии билсэр телефоҥҥут нүөмэрэ 49-36-55.
Саргылана САВВАТЕЕВА, «Эдэр саас» сайтка анаан.