Маны аах Уопсастыба Үөрэх уонна наука

Бастакы кылааска киирэргэ сайабылыанньаны хаһан ылаллар?

2022-2023 үөрэх дьылыгар Дьокуускай куорат 50 оскуолатыгар 1-кы  кылааска киирэргэ  сайабылыанньаны ылыы муус устар 1 күнүттэн саҕаланар.

Дьокуускайдааҕы  үөрэх управлениета иһитиннэрэринэн,  сайабылыанньаны ылыы икки түһүмэхтээх буолар.

Бастакы түһүмэх муус устар 1 күнүттэн бэс ыйын 30 күнүгэр диэри ыытыллар. Манна төрөппүт оҕо олорор аадырыһынан сайабылыанньаны биэрэр уонна уочараты таһынан киирсэр оҕолор эмиэ кытталлар.

Иккис түһүмэх от ыйын 6 күнүттэн тустаах миэстэ толоруллан бүтүөр диэри ыытыллар, балаҕан ыйын 5 күнүттэн хойутуо суохтаах. Манна оҕо пропискалаах аадырыһа көрүллүбэт, ол эбэтэр төрөппүт хайа оскуолаҕа оҕотун үөрэттэриэн баҕарарынан тустаах сайабылыанньаны биэрэр.

 

edersaas.ru

0
0
Telegram @edersaas20