Бүгүҥҥүттэн Бурятия киин куоратыгар Улан-Удэҕэ көҥүл тустууга Арассыыйа чемпионата саҕаланна.
Бастакы күн күрэхтэһиини 57, 86 уонна 92 киилэ ыйааһыннаахтар саҕалаатылар. Бу күн сахалартан 57 кг ыйааһыҥҥа Айаал Белолюбскай – Рамазан Абдурахманов (ХМАО-Югра), Михаил Иванов – Начын Монгуш (Тыва), Уйгулан Иванов – Ананда Дашиев (Бурятия), Алексей Копылов – Жаргал Баяндуев (Бурятия), Федор Постников – Владимир Чебодаев (Красноярскай), Егор Вензель – Мурат Бороков (Ставрополь), Дмитрий Илларионов – Абубакар Муталимов (Дагестан), Петр Константинов – Мягмар Далаев (Бурятия) кытыннылар. 86 кг Никита Софронов – Алексей Ефимов. 92 кг Ньургун Сергин – Анзор Уришев (Красноярскай-КБР) кытыннылар.
Финал 1/8-гар салгыы Уйгулаан Иванов, Петр Константинов, Алексей Копылов, Айаал Белолюбскай ааспыттара. Кинилэртэн салгыы Уйгулаан Иванов эрэ хаалан тустуутун салҕаабыта. Ол эрээри, финал аҥарыгар диэри тиийбэтэ. Тэҥ баайыылаах киирсиигэ Уйгулаан Тыва бөҕөһө Начын Монгушка 1:2 хоттордо.
Ол курдук бу күн сахалартан ким да финалга тахсыбата. Сарсын бу ыйааһыннар финаллара ыытыллыахтара, ону таһынан, 70, 74, 125 кг ыйааһыннарга киирсиилэр буолуохтара.
edersaas.ru
Хаартыска Sport Yakutia.ru саайтан.