Бастакы көмөнү оҥорорго үөрэтиэхтэрэ
Олох-дьаһах - Саха ыала

Бастакы көмөнү оҥорорго үөрэтиэхтэрэ

Алтынньы 26 күнүгэр Ресурснай киин актовай саалатыгар  16.00 чаастан «Бастакы көмөнү оҥоруу оскуолатыгар» суол-иис саахалыгар тахсар быһылааннары, эйэчиилэри ырытыахтара.

edersaas.ru

 

Бастакы көмө оскуолатын салайааччы, медицинскэй наука кандидата, анестезиолог-реаниматолог Наталья Иванова уонна суһал медицинскэй көмө станциятын реанимацияҕа биригээдэтин анестезиолог-реаниматолога Николай Татаринов ыксаллаах балаһыанньаҕа бастакы көмөнү оҥорорго үөрэтиэхтэрэ.

Куорат олохтоохторун хас биирдии киһиэхэ туһалаах дьарыкка Курашов уул. 24 №-дээх дьиэтигэр 7-с этээскэ  Ресурснай киин актовай саалатыгар  күүтэллэр.

 

ЫСПЫРААПКА:

Көхтөөх уопсастыбанньык, аһымал санаа аанньала Наталья Иванова Медицина национальнай киинин Перинатальнай киинигэр анестезиолог-реаниматологынан үлэлиир. Сүрүн үлэтин сэргэ оскуолаларга, тэрилтэлэргэ сылдьан бастакы көмөнү оҥоруу быраабылаларын билиһиннэрэр.

Наталья Георгиевна  быйыл тэрийбит оскуолатыгар номнуо дьон биһирээн дьарыктанар. Тоҕо диэтэххэ, кини этэринэн, нэһилиэнньэ 60 бырыһыана ыксаллаах кэмҥэ бастакы көмөнү хайдах оҥорор туһунан билбэт. Анал үөрэхтээх исписэлиис ыытар дьарыгар сылдьыбыт дьон жгуту эбэтэр бэрэбээскини хайдах уурарга, үлүйбүт эбэтэр итиигэ буспут киһиэхэ туох көмөнү оҥорорго, өйүн сүтэрэн уулуссаҕа охтубукка хайдах көмөлөһөргө уо.д.а. үөрэнэр.

Надежда ЕГОРОВА, «Саха сирэ» хаһыат, edersaas.ru
.

2
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

четыре × 4 =