Горнай улууһун борокуратуурата Бэрдьигэстээх сэлиэнньэтин олохтооҕун сайабылыанньатынан бэрэбиэркэ ыыппыт.
Бу дьахтар онно суруйбутунан, Күөрэлээх сэлиэнньэтин олохтооҕо кинини киһи быһыытынан дьоһунун, чиэһин түһэрэр сибидиэнньэлэри социальнай ситим биир бөлөҕөр тарҕаппыт.
Бэрэбиэркэ быһаарбытынан, ол дьахтар кини дьиэ кэргэнинэн түспүт хаартыскаларын ол бөлөххө ыытан, онтун үөҕэр ис хоһоонноох иһитиннэриилээбит.
Киһини итинник сирэй ааттаан, личность быһыытынан түһэрэн саҥарыы, чиэһин хараардыы, үөҕүү иһин административнай эппиэтинэс көрүллэр.
Итинэн сибээстээн, борокуратуура ити чахчынан РФ Административнай кодексатын 5.61-с ыст. 1 чааһынан дьыала тэрийбит. Дьыаланы Мировой суут көрбүт.
Түмүгэр, суут буруйдаах дьахтары 2 тыһ. солк. суумалаах ыстараап төлүүргэ уурбут.
Бу туһунан СӨ Борокуратууратын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.