Бүгүн Дьокуускай куоракка ыытыллыбыт Арассыыйа Бэрэсидьиэнин, аармыйатын өйүүр миитин-кэнсиэргэ кэлбит дьон кэккэлэригэр устудьуоннар эмиэ бааллар.
Ол курдук, Дьокуускайдааҕы педагогическай кэллиэс устудьуоннара кытта кэлбиттэр. Кинилэр ортолоругар Валентин Иванов (Сунтаар), Алексей Калачев (Чурапчы), Михаил Павлов (Амма), Анатолий Чемезов (Уус Алдан) бааллар. Сахалыы сиэринэн уолаттар олус сэмэйдэр.
— Бу дьоһун суолталаах тэрээһиҥҥэ — Арассыыйа бэрэсидьиэнин Владимир Путины, кини ылыммыт быһаарыныыта сөптөөҕүн өйүүр миитин-кэнсиэргэ кытта сылдьабыт. Биһиги физкултуура салаатыгар иккис кууруска үөрэнэбит. Баһылыахтаах идэбит быһыытынан араас көрүҥнэринэн дьарыктанабыт. Ол курдук тустуунан, мас тардыһыытынан уонна успуорт араас да көрүҥнэринэн. Этэҥҥэ үөрэнэн бүттэхпитинэ идэбитинэн үлэлиир баҕалаахпыт, — диэтилэр уонна инники олох-дьаһах барыта этэҥҥэ буоларыгар баҕа санааларын биллэрдилэр.
Женни Стрюкова
Хаартыска: ааптар