Бэлиитикэ Маны аах

Барыта дьэҥкэ уонна куттала суох буолуоҕа

Балаҕан ыйын 17-19 күннэригэр ыытыллар Бүтүн Арассыыйатааҕы биир кэлим быыбар чиэһинэйдик уонна куттала суох барарын туһугар Киин быыбардыыр хамыыһыйа сүҥкэн үлэни тэрийдэ.

Быыбар күннэригэр пандемиянан сибээстээн сэрэтэр санитарнай ирдэбиллэр толору тутуһуллуохтара. Итини таһынан, быыбардыыр хамыыһыйаларга 50 тыһыынча видеокамера, 6000 онлайн-трансляция уонна 36 тыһыынча видеофиксация тэриллэрэ үлэлиэхтэрэ. Онон, дойду үрдүнэн территориялардааҕы уонна учаастактардааҕы быыбардыыр хамыыһыйалар 96 %-нара видеонан кэтээн көрүүгэ хабыллыахтара. Бу туһунан атырдьах ыйын 30 күнүгэр видеокэмпириэнсийэ киэбинэн ыытыллыбыт мунньахха Арассыыйа Киин быыбардыыр хамыыһыйатын бэрэссэдээтэлэ Элла Памфилова иһитиннэрдэ.

– Видеокамераларга быыбар сүрүн туочукалара, бүллүтүөннэр стационарнай дьааһыктара, бүллүтүөннэри биэрэр сирдэр, куоластааһын саҕаланыаҕыттан түмүк боротокуол толоруллуор диэри, ол эбэтэр 76 чаас устата хонтуруолланыахтара, – диэтэ кини итиэннэ эрэгийиэннэргэ видеотрансляциялар порталларыгар киирэргэ 54 849 аккаунт оҥоһулларын эттэ.

Раиса Сибирякова, «Саха сирэ», edersaas.ru

0
0