Барыллаан куоластааһын дебаттарыгар Айсен Николаев көхтөөхтүк кыттар

Ааптар: 
Бөлөххө киир:

Билэргит курдук, ыам ыйын 28 күнүгэр Дьокуускай куорат баһылыгын дуоһунаһыгар “Биир ньыгыл Арассыыйа” баартыйа хандьыдааттарын сүүмэрдиир барыллаан куолаастааһын буолар. Бу субуоталаах өрөбүлгэ Дьокуускайга барыллаан куоластааһын кыттыылаахтарын дебаттара ыытыллыаҕа. edersaas.ru

Барыллаан куоластааһыҥҥа сэттэ хандьыдаат регистрацияланан турар: киин куорат баһылыга Айсен Николаев, урбаанньыт Николай Потапов, ттеле-биэриилэри ыытааччы Андрей И (Хорошев), эдэр гвардеец Святослав Софронеев, урбаанньыт Ирина Высоких, ресторатор Татьяна Тымырова уонна Промышленнай уокурук быраабатын исписэлииһэ Григорий Зорин.

Ыам ыйын 13 күнүгэр, субуотаҕа, “Якутия” технопааркаҕа Айсен Николаев, Святослав Софронеев, Григорий Зорин уонна Татьяна Тымырова куорат экономикатын уонна инновациятын дьүүллэһиэхтэрэ.

Ыам ыйын 14 күнүгэр, өрөбүлгэ, Айсен Николаев, Ирина Высоких, Святослав Софронеев, Андрей Хорошев “Былаас уонна гражданскай уопсастыба диалогтара” тиэмэҕэ санаа үллэстиэхтэрэ. Көрсүһүү Өрөспүүбүлүкэ идэлээх сойуустарын федерациятын дьиэтигэр буолар.

Балаһыанньа быһыытынан, барыллаан куоластааһын хандьыдаата кырата икки дебакка кыттыахтаах. Бүгүҥҥү туругунан, дебаттар биир көхтөөх кыттааччыларынан Айсен Николаев буолар.

Роман Попов, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0