Барыллаан ааҕыынан, Абый улууһун баһылыгын быыбарыгар Станислав Цюхцинскай кыайыыны ситистэ

Бэҕэһээ, муус устар 9 күнүгэр, “Абый улууһа” муниципальнай тэриллии баһылыгын болдьоҕун иннинэ быыбара буолла.

Роман ПОПОВ, “Саха сирэ” хаһыат, edersaas.ru

Быыбарга үс хандьыдаат кытынна: улуус баһылыгын быстах кэмҥэ толорооччу, “Биир ньыгыл Арассыыйа” баартыйа туруорбут хандьыдаата Станислав Цюхцинскай итиэннэ бэйэлэрин туруоруммут урбаанньыт Евгений Новиков, Белай Горатааҕы гимназия дириэктэрин солбуйааччы Владислав Окороков.

Быыбар испииһэгэр киллэриллибит 2 905 киһиттэн 1 959-һа бэйэтин быыбардыыр быраабынан туһанан, санаатын эттэ.

Ол курдук, барыллаан ааҕыынан, Станислав Цюхцинскай иһин 950 быыбардааччы куолаһын биэрдэ. Евгений Новиков – 785, Владислав Окороков – 45 куолаһы ыллылар. Быыбарга кыттыбыттартан 166 киһи хандьыдааттары барыларын утарарын биллэрдэ.

Роман ПОПОВ, “Саха сирэ” хаһыат, edersaas.ru