Айсен Николаев от ыйыгар ыытыллыбыт үлэ-хамнас туһунан кэпсииригэр улахан болҕомтотун оттооһуҥҥа уурда.
edersaas.ru
– Ыам ыйыттан саҕалаан, бэс ыйын устатыгар ардаабатаҕа, киин уонна илин эҥээр улуустарга охсуулаах буолла, – диэтэ кини. – Ол эрээри, тыа үлэһит дьоно сэрбэйбити сирийэн, салааны да хаалларбат туһугар үлүмнэһэн оттуу сылдьаллар. Кыстыгы көрсө өрөспүүбүлүкэ үрдүнэн 471 тыһыынча туоннаны оттуур былаан түһэриллибититтэн, 90 %-а толоруллара сабаҕаланар. Тиийбэт оту ыраах учаастактарынан уонна үрэх бастарынан хааччынар сорук турар, бу биригээдэлэр 22 тыһыынча туонна оту бэлэмниэхтэрэ, ону таһынан үчүгэй үүнүүлээх улуустар саппааска оттуохтара. Соторутааҕыта бырабыыталыстыба бэрэссэдээтэлин солбуйааччынан Михаил Никифоров ананна. Кини аграрнай сиэктэри эмиэ сүрүннүөҕэ, онон Тыа хаһаайыстыбатын министиэристибэтин итиэннэ улуустар дьаһалталарын кытары үлэни-хамнаһы сөптөөхтүк тэрийэн, кэлэр кыстыгы туоруур оту хааччыныахпыт диэн эрэнэбин. Өр сыл кэнниттэн быйыл аан бастаан ынах сүөһү уонна сылгы ахсаана эбиллэрэ ситиһилиннэ, ол кирбиибитин мүччү тутуохпут суоҕа.
Раиса Сибирякова, «Саха сирэ» edersaas.ru