Убаастабыллаах Дьокуускай куоракка олорор биир дойдулаахтарбыт!
Аан дойдуну аймаабыт коронавирус COVID-19 сыстыганнаах ыарыы туруоҕуттан, дьон-сэргэ бары биир санаанан бу дьаҥы утары үлэҕэ туох-баар күүстэрин уураллар.
Горнайдааҕы киин балыыһа счетугар биир дойдулаахтарыгар «Горнай түмсүү» общественнай тэрилтэтэ (сал.Федорова Н.П.) харчынан көмө киллэрбитэ.
Киирбит көмө үбүнэн 2 бесконтактнай термометр, тыынар уорганнары харыстыыр 216 респиратор ылан күннэҕи үлэбитигэр, бу ыарыыны утары охсуһарбытыгар улахан көмө буолла.
Эһиги, биир дойдулаахтарбыт, биһиги үлэбитигэр үөскээбит балаһыанньаны сөпкө өйдөөҥҥүт бачыым көтөҕөн санаабытын өрө көтөхтүгүт.
Киин балыыһа коллективын аатыттан, биир дойдулаахтарбытыгар улахан көмөҕүт иһин истиҥ МАХТАЛБЫТЫН тиэрдэбит.
Бары күүспүтүн холбоон туруннахпытына бу дьаҥы кыайыахпыт диэн бигэ эрэллээхпит.
«Горнай түмсүү» общественнай тэрилтэтэ төрөөбүт дойдугутугар күүс-көмө, түмсүүлээх буоларгытынан киэн туттабыт.
Эһиэхэ бары үтүөнү, ситиһиини баҕарабыт!
Киин балыыһа кылаабынай бырааһын солбуйааччы Ж.А.Андреева
Ыам ыйын 14 күнэ, 2020 с.