Уопсастыба

Бартыһаан оҕолоро арассаада аахсыйатын ыыттылар

Нам улууһун Партизан нэһилиэгин орто оскуолатын үөрэнээччилэрэ төрөппүттэрин уонна учууталларын кытта «Күөх түннүк» аахсыйаны тэрийэн ыыттылар. Оҕолор арассаада арааһын олордон, нэһилиэнньэҕэ чэпчэки сыанаҕа атыылаабыттарын, дьон хамаҕатык ыллылар. Бу туһунан уопсастыбаннай кэрэспэдьиэммит Полина Скрябина иһитиннэрэр.

«Партизан орто оскуолатын оҕолоро, учууталлара бүөбэйдээн үүннэрбит помидордарын сыаната — 30-35 солк., оҕурсулара — 40 солк., кабачок — 30-35 солк., биэрэс — 35-40 солк., дьэдьэн — 100 солк. Оттон сибэкки арааһа: петуния — 30-35 солк., астра — 35-40 солк., бархатцы — 25-30 солк., георгин — 40 солк., шафран — 30-35 солк., фиалка араас дьүһүнэ — 50 солк., глоксиния (маҥан, розовай, фиолетовай) — 250 солк., флокс — 30 солк.», — диэн Полина Скрябина кэпсиир.

Ити курдук, оҕону оскуола сааһыттан туһалаах дьыалаҕа иитии, урбаан хайысхатыгар сыһыарыы үтүө түмүгү аҕалара чахчы.

Елена ПОТОЦКАЯ, «Саха сирэ» хаһыат, edersaas.ru

1
0