Горнай улууһун өттүттэн Кэптин 44 №-дээх уота ыалыы сытар Бүлүү улууһун Баппаҕаайы нэһилиэгин Арыылаах учаастагар, 10 биэрэстэ холобурдаах сиргэ умайар.
Орто Сурт 59 №-дээх уота федеральнай суолу хаҥас өттүнэн кыйан, Сортуол учаастагар 10 биэрэстэ холобурдаах сиргэ кэллэ. Бу икки уот бүгүн-сарсын Баппаҕаайы сиригэр киирэр туруктаахтар. Улахан уоттар кэлэн иһэллэрин утары көрсөргө бэлэмнэнии үлэтин олохтоох дьаһалта баһылыга Егор Николаев салайан ыытар. Бэҕэһээ Арыылаах, Сортуол учаастактарыттан оҕолору, кырдьаҕастары Илбэҥэ дэриэбинэтигэр көһөрдүлэр. Бүлүүтээҕи «Автодор» тэрилтэ (салайааччы Прокопий Протопопов) бульдозера баһаартан көмүскэнэр үлэни ыытар. Нэһилиэккэ ЯТЭК уонна «Сахотранснефтегаз» АЗС-тара баалларынан, уоттан сэрэнии бу нэһилиэккэ улахан.
Бүлүү улууһунааҕы суһал штабтан Андрей-Чуос