Арассыыйаҕа коронавирус дьаҥынан суһал эрэсиим биллэриллэн, кыраныыссаны кулун тутар 30 күнүгэр саппыттара. Тас дойдуга сынньана барбыт дьон билиэттэрэ туһата суох буолла.
Ол курдук, Таиланд Бангкок куоратыттан кыайан кэлбэккэ хаалбыт биир дойдулаахтарбыт иһитиннэрбиттэринэн, «Катарские авиалинии» хампаанньа сөмөлүөтэ кыраныысса сабыллан, сатаан дьону көтүппэтэ. Ол түмүгэр сынньана барбыт Арассыыйа олохтоохторо, олор истэригэр сахабыт дьоно хаайтардылар.
Арай, муус устар 1 күнүгэр бүтэһик рейс 500 киһини ыларын иһитиннэрбиттэр. Онно дьоммут батыахтара дуо?
Биир дойдулаахпыт Николай балаһыанньаны билиһиннэрэр:
— Бангкоктан төттөрү Паттайаҕа кэллибит. Эрдэ атыыласпыт билиэттэрбит умайдылар. Биһигини Арассыыйа посольствотыгар биллэриҥ диэтилэр. «Аэрофлот» эмиэ көппөт. Онон балаһыанньабыт ыараата.
Ульяна Захарова, edersaas.ru
+1
+1
+1
+1
+1
+1
+1