Өрөспүүбүлүкэҕэ мэдиссиинэ тэрилтэлэрэ бары кэриэтэ ыарыһахтары былааннаан көрүүлэрэ атырдьах ыйын 27 күнүттэн саҕаламмыта. Билиҥҥи туругунан, коронавирус тарҕаммыт улуустарыгар эрэ үлэлээбэттэр. Ол туһунан Доруобуйа харыстабылын миниистирэ Елена Борисова быһа эпииргэ иһитиннэрдэ.
Ол курдук, Мииринэй, Нерюнгри, Өлөөн оройуоннарыгар балыыһалар, поликлиникалар пациеннарга анаан үлэлии иликтэр. Атын улуустарга, куораттарга былааннаах көрүүлэри саҕалаатылар. Бырааска көрдөрөр инниттэн, регистратураҕа эрийэн, суруйтаран эрэ баран, поликлиникаҕа тиийиэхтээххит. Быраас салгыы анаалыс туттарарга, атын исписэлиискэ ыытыан сөп.
Елена Борисова эппитинэн, Национальнай мэдиссиинэ киинэ, ол иһигэр, амбулаторнай сулууспалара, хирургическай отделениелара эмиэ үлэлээн эрэллэр. Хирургия былаанынан эппэрээссийэлэри оҥорор.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1