«СӨ ОДьКХ» ГУП Тааттатааҕы филиалын үлэһиттэрэ хоруона хамсыгын бохсууга үлэлиир балыыһа кэлэктиибигэр соһуччу бэлэх оҥорон улаханнык долгуттулар, үөртүлэр.
«Быраастарга махтал» аахсыйа иитинэн, ОДьКХ филиалын үлэһиттэрэ дьиэлэригэр бары кыһамньыларын ууран астаабыт минньигэс, иҥэмтиэлээх уонна сибиэһэй астарын-үөллэрин тустаах тэрилтэҕэ каадыр боппуруоһун сүрүннүүр исписэлиис Варвара Федосеева, экэнэмиис Марина Кузьмина уонна суоппар Станислав Никифоров, балыыһаҕа ковидтаабыт дьону эмтиир стационарга туттардылар.
—Бу уустук кэмҥэ биһиги быраастарбытын, мэдиссиинэ үлэһиттэрин өйүүргэ кыһаллабыт. Маҥан халааттаах аанньаллар түбүктээх-садьыктаах, эппиэтинэстээх үлэлэрин кыратык да буоллар киэргэттэрбит ханнык диэн баҕарабыт. Маннык тэрийиибит кинилэргэ кыратык да буоллар, күүһү-уоҕу биэрэригэр эрэнэбит. Бэйэ-бэйэҕитин харыстааҥ, кытаатан туох баар ирдэбили тутуһуҥ, — диэн тэрийээччилэртэн биирдэстэрэ Варвара Федосеева санаатын тиэрдибит.
+1
+1
+1
+1
+1
+1
+1