Мэҥэ Хаҥалас улууһун Балыктаах с. нэһилиэнньэни түмэр, сынньалаҥы тэрийэр кулууп үлэлээбитэ 60 сылын үөрүүлээхтик бэлиэтээтилэр. Бу сыллар тухары үлэлээн ааспыт дьоҥҥо, алта уонча киһиэхэ наҕараадалар, махтал суруктар туттарылыннылар.
Төҥүлүтээҕи бибилэтиэкэ иһинэн үлэлиир «Мичил» агитбиригээдэни СӨ култууратын туйгуна Дария Кычкина салайар. Бу күн «Мичиллэр» туруоруулара, мэлдьи буоларын курдук, мустубут дьону сэргэхситтэ.
«Култуура сырдык саҕахтара» кинигэ сүрэхтэннэ. Кинигэҕэ урут үлэлээбит уонна билигин айа-тута сылдьар дьон истиҥ-иһирэх ахтыылара киирдилэр. Араас нэһилиэктэртэн, улуустартан кэлбит ыалдьыттар истиҥ-иһирэх ахтыылары оҥордулар, көрү-нары көҕүлүттэн туттулар.
Тэрээһин эрдэттэн бэлэмнэммитэ ыалдьыттары астыннарда. Кэлбит ыалдьыттар бары илии тутуурдаах, өттүк харалаах астынан, махтанан тарҕастылар.
Ньургуйаана СКРЯБИНА, «Саха сирэ» хаһыат, edersaas.ru сайтка анаан
+1
+1
+1
+1
+1
+1
+1