Балыктааһыҥҥа федеральнай ааҕыныстыба (Росрыболовство) мунньаҕын түмүгүнэн, «Балыктааһын уонна уу биологическай ресурсаларын харыстааһын туһунан» 166 №-дээх федеральнай сокуон саҥа балаһыанньата тохсунньу 1 күнүттэн күүһүгэр киирэринэн, Росрыболовство Өлүөнэтээҕи территориальнай управлениета Россия Федерациятын ис ууларыгар балыктааһын ханнык көрүҥнэрэ көҥүллэнэрин туһунан иһитиннэрдэ.
edersaas.ru
Акваторияларыгар РФ субъектарын балыктыыр учаастактарын переченнэригэр киллэриллибит балыктыыр учаастактар кыраныыссалара быһаарыллыбатах ис уу эбийиэктэригэр Балыктааһын туһунан сокуон 2 чааһын 19.1 ыстатыйатын балаһыанньатыгар сөп түбэһиннэрэн тэриллиэҕэ:
— уу биоресурсаларын бултааһыҥҥа кубуотаны сыһыарар туһунан дуогабарга олоҕуран, балыктааһын уопсай кээмэйэ быһаарылла сылдьар уу биоресурсаларыгар.
— уу биоресурсаларын туһаныы туһунан дуогабарга олоҕуран, балыктааһын уопсай кээмэйэ быһаарыллыбат уу биоресурсаларыгар.
Атыннык эттэххэ, Саха Өрөспүүбүлүкэтигэр балыктыыр учаастактар переченнэрэ бигэргэтиллиэр диэри балыктааһын ааспыт сыллардаах механизмынан тэриллэр буолбут. Арктика дьыалаларыгар судаарыстыбаннай кэмитиэт балыктааһын уопсай кээмэйэ быһыллыбатах балыктыыр учаастактар переченнэригэр киирбэтэх уу биоресурсаларыгар дуогабардары түһэрсиини сөргүтэр. Ол иһин тустаахтар үөскүүр ыйытыылары маннык аадырыстан билсиҥ: Дьокуускай к., Чернышевскай уул 14-дэ, 105 каб, төл: (4112) 506-277 диэн Арктика дьыалаларыгар судаарыстыбаннай кэмитиэт биллэрэр.
Раиса СИБИРЯКОВА, «Саха сирэ» хаһыат, edersaas.ru
+1
+1
+1
+1
+1
+1
+1