Балык киһи доруобуйатыгар туһатын туһунан истэн-истэн кэллэхпит. Ол эрээри, хайдах туһанары үксүбүт ситэ билбэт буолуохтаах. Саха ыалын халандаара туох сүбэни-аманы биэрбитин көрүөҕүҥ.
- Былыр Тибеккэ улаханнык ыалдьан, күүһэ эстибит киһиэхэ нэдиэлэ устата иккитэ сордоҥ миинин иһэрдэллэрэ.
- Карп уонна алыһар балыктар төбөлөрүн уҥуохтарын хатаран, бороһуок оҥорон хабах тааһырыытыгар уонна ыараханнык оҕолонор дьахтарга эмп быһыытынан туһаналлар.
- Ииги туппат буолууга сордоҥ төбөтүн уҥуоҕун хатаран, бытарытан, бороһуок оҥорон, ыстакааннаах итии ууга кутан баран сойуппакка эрэ иһэллэр.
- Малярияны эмтииргэ селедка балыгы сууйан, төбөтүн быһан ылан ыалдьыбыт киһи атаҕын тилэҕэр түүн устата пластырынан сыһыаран кэбиһэллэр. Сарсыарда селедканы ылан баран, ыарыһах атаҕын тилэҕин суунан кэбиһэр.
- Наһаа сылайан, устунан төбөҥ ыалдьан бардаҕына, селедката сиэ, чэйдэ ис уонна утуйан сынньан.
- Эргэлээх харах ыарыйдаҕына, сибиэһэй сордоҥтон ылыллыбыт үөстэн утуйуоҥ иннинэ 1 хааппылата таммалат. Бу түгэҥҥэ ыалдьыа, ону тулуй. Чыпчылыйыма.
Чэгиэн-чэбдик буолуҥ!
Саха ыалын халандаара, 2016 сыл.
+1
+1
+1
+1
+1
+1
+1