Балыгы харыстааһын ыйа биллэрилиннэ

Ааптар: 
Бөлөххө киир:

Саха сирин экологиятын министиэристибэтэ күһүҥҥү ыамнаах балыктары харыстааһыҥҥа ананар ыйы биллэрдэ.

edersaas.ru

Бу ыйыллыбыт кэмҥэ муҥханан уонна илиминэн балыктыыр бобуллар:

— Анаабыр, Өлүөхүмэ, Булуҥ, Эдьигээн, Усуйаана, Абый улуустарыгар  балаҕан ыйын 25 күнүттэн алтынньы 25 күнүгэр диэри;

— Аллайыаха улууһугар балаҕан ыйын 25 күнүттэн алтынньы 25 күнүгэр диэри;

— Аллараа Халыма улууһугар балаҕан ыйын 25 күнүттэн алтынньы 25 күнүгэр диэри;

— Мииринэй, Үөһээ Бүлүү, Бүлүү, Ньурба, Сунтаар, Алдан, Ленскэй, Өлүөхүмэ, Нерюнгри, Уус Маайа, Таатта, Томпо, Уус Алдан, Чурапчы, Мэҥэ Хаҥалас, Горнай, Нам, Кэбээйи, Үөһээ Дьааҥы, Муома, Өймөкөөн, Үөһээ Бүлүү улуустарыгар уонна Дьокуускай куорат муниципальнай тэриллиилэргэ балаҕан ыйын 20 күнүттэн алтынньы 20 күнүгэр диэри;

— Орто Халыма улууһугар балаҕан ыйын 20 күнүттэн алтынньы 20 күнүгэр диэри.

Анал балыктыыр көҥүлэ суох бу кэмҥэ мотуордаах тыыларынан балык ыамныыр сиринэн устар бобуллар.

Өрөспүүбүлкэ олохтоохторун браконьердааһын, ууну киртитии түгэннэрин көрдөхтөрүнэ бу  төлөпүөнүнэн биллэрэргитигэр көрдөһөбүт: 8(4112) 32-03-02 (үлэ кэмиҥэр) уонна суһал  линияҕа 89142-710-668 (ханнык баҕарар кэмҥэ).

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0