Балтараа тыһыынча вагон айаннаан иһэр

Ааптар: 
Бөлөххө киир:

Аллараа Бэстээххэ диэри тимир суолунан араас табаары, уматыгы, тутуу матырыйаалын толору тиэммит 1,5 тыһ. вагон айаннаан иһэр. Кэлбит таһаҕаһы кыһыҥҥы суол, сабыллыан өрүс барыан иннинэ туһааннаах сиргэ тиэрдэ охсор сорук турар. Вице-премьер Дмитрий Садовников ону көрө-истэ миэстэтигэр мунньах ыытта.

“Мониторинг көрдөрөрүнэн, муус халыҥа нуорматтан чарааһын учуоттаан, таһаҕаһы барытын түргэнник сүөкээн, миэстэтигэр тиэрдэ охсор туһугар күнүстэри-түүннэри үлэлиэхтээхпит», — диэтэ вице-премьер.

Таһаҕас улахан аҥаара, 60 % — уматык, 20% — тутуу матырыйаала, 20% — ас-үөл уонн да атын табаардар. Тындаҕа, Хани оройуонугар баар сорох вагоннар хайы-сах 5-10 күнүнэн кэлиэхтэрэ.

Мунньахха АЯМ уонна Госснабсбыт салайааччылара былааннаммыт үлэ бара турарын, сууккаҕа 100-120 вагон сүөкэнэрин туһунан кэпсээтилэр. Урбааннььыттар тимир суоллартан таһаҕас кэлэрин тута биллэрэ охсоллорун көрдөстүлэр. Информация сайтка тахса туруоҕа диэн буолла. Салгыы саҥа сүөкүүр сирдэр ханан тутуллуохтаахтарын, инфраструктура хайдах кэҥиэхтээҕин кэпсэттилэр.

СӨ Ил Дарханы уонна Бырабыыталыстыбатын Пресс-сулууспата

Мария Васильева хаартыскаҕа түһэриитэ, СИА

+1
0
+1
0
+1
0
+1
0
+1
0
+1
0
+1
0