Дьокуускайга балаҕан ыйын 1 күнүгэр аналлаах үөрүүлээх тэрээһин бастакы кылаастарга эрэ ыытыллыаҕа
18.08.2020
Балаҕан ыйын 1 күнүгэр ыытыллар үгэскэ кубулуйбут үөрүүлээх тэрээһин быйыл Дьокуускайга бастакы кылааска киирээччилэргэ эрэ ыытыллыаҕа. Бу туһунан СӨ бырабыыталыстыбатын бэрэссэдээтэлин э.т. Андрей Тарасенко «Твиттергэ» иһитиннэрдэ.
«Дьокуускайга «линейка» бастакы кылааска киирээччилэргэ эрэ ыытыллыаҕа. Үөрэнээччи аһын боппуруоһугар тохтуур буоллахха, профилактика биирдэ туттуллар иһити, эбэтэр иһит сууйар массыынаны ирдиир. Маннык тиэхиньикэтэ суох оскуолала ылыналларыгар тустаах биэдэмистибэ учуоттууругар сорудахтаатым», — диэн Андрей Тарасенко «Твиттергэ» суруйбут.
Маны сэргэ Андрей Тарасенко бэҕэһээ үөрэх дьылыгар бэлэмнэниини көрдө-иһиттэ, Дьокуускайдааҕы национальнай гимназияҕа сырытта.
edersaas.ru
Хаартыска — СИА.
+1
+1
+1
+1
+1
+1
+1