Балаҕаннаахтар уот суох диэбэккэ, харыстыыр мааскалары илиинэн тигэллэр⠀
Үөһээ Бүлүү улууһун Балаҕаннаах нэһилиэгин олохтоохторо уот суох диэбэккэ, харыстыыр мааскалары илиинэн тигэллэр.
edersaas.ru, Сардаана Никифорова
Сыллата ахсын хас саас аайы республика үрдүнэн уот линияларын баҕаналарын саҥардыы үлэлэрэ ыытыллалларынан, сарсыарда 10:00 чаастан киэһэ 20:00 чааска диэри үгүс нэһилиэктэр уота суох олороллор.
Балаҕаннаах нэһилиэгин олохтоохторо уот суох диэн олорон хаалбаккалар, олохтоох дьаһалта матырыйаалынан хааччыйан, бүгүҥҥүттэн нэһилиэк олохтоохторугар анаан харыстыыр мааскалары илиинэн тигэн саҕалаатылар. Күргүөмнээх үлэҕэ олохтоох дьаһалта, библиотека, ФАП үлэһиттэрэ уонна общественниктар ылыстылар. Бастакынан харыстыыр маасканы аҕам саастаах Аммосова Люция Васильевна тутан, махтанан үөрэн турар. Оскуола техүлэһиттэрэ бэйэлэрин үлэһиттэригэр эмиэ бүгүҥҥүттэн тигэн саҕалаатылар. Балаҕаннаах нэһилиэнньэтин ахсаана 310 киһи. Иискэ ылсыбыт көхтөөх дьон харыстыыр мааскалары олохтоохторго барыларыгар босхо түҥэтиэхпит дэһэллэр.
Хаартыска @admvervil
Сардаана Никифорова, Үөһээ Бүлүү