Балаҕан ыйын 1 күнүгэр үлэҕэ тахсааччылар быһыыны ылыахтаахтар

Ааптар: 
Бөлөххө киир:

Бүгүн коронавирус дьаҥын утары охсуһар ыстаап салайааччытын солбуйааччы Ольга Балабкина уочараттаах брифинэ буолла. Бу сырыыга Ольга Валерьевна тугу тоһоҕолоон бэлиэтээтэ?

Үөрэх саҥа дьыла чугаһаан иһэринэн, балаҕан ыйын 1 күнүттэн үлэҕэ тахсааччылар бу от ыйын ортотугар быһыыны ылыахтаахтар диэтэ. Ол курдук, 18 саастарын туолбут оҕолор, устудьуоннар уонна педагогтар. Тыа сирин оройуоннарыгар улахан болҕомто ууруллар. Тыаҕа сайылыы уонна тыа хаһаайыстыбатын үлэтигэр көмөлөһө кэлээччилэр элбээн эрэллэринэн, сэрэхтээх буолуу ирдэнэр диэн буолла.

Бу сырыыга соҕуруу сытар оройуоннар кутталы үөскэтэллэр. Ол курдук Алдан (9 киһи ыалдьыбыт), Нерюнгри (8). Уонна сааһыттан тутулуга суох ковид тарҕаныытын бохсууга ыйааҕы бары тутуһуохтааххыт диэтэ. Ордук эдэр дьон дьиэлэригэр аҕам саастаахтарга дьаҥы аҕалыахтарын сөптөөх.

Ольга Балабкина бүгүн коронавирус дьаҥар эбии 97 киһи сутуллубутун эттэ. Ол курдук, Дьокуускайга – 56. Балаһыанньа ыгым диэтэ. Нерюнгрины, Алданы сэргэ Эдьигээҥҥэ 5 киһи ыалдьыбыт. Үөһээ Бүлүү, Бүлүү, Мэҥэ Хаҥалас оройуоннара – 3-түү. Кэбээйи, Хаҥалас оройуоннара – 2-лии. Ону таһынан Амма, Булуҥ, Горнай, Муома, Аллараа Халыма, Таатта оройуоннара – 1-дии. Үксүн эдэрдэр ыалдьыбыттар.

Ааспыт сууккаҕа 2566 чинчийии ыытыллыбыт. Хата, быһыыны ылыы тэтимирэн эрэр эбит. Холобура, Нерюнгри оройуонугар уонна быһыыны биэриигэ бытаарыыны таһааран сэмэлэммит улуустар. Онон кэлбит вакцина уопсай кээмэйиттэн 84 бырыһыана туһаныллыбыт.

Этэҥҥэ буолуҥ, дьаҥҥа хаптарымаҥ!

Бэлэмнээтэ Женни Стрюкова

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0