Бүлүү улууһугар коронавирус дьаҥын утары вакцинаны ылыы көхтөөхтүк барар. Сайаапканан улуус миэдиктэрэ өрүс уҥуордааҕы нэһилиэктэргэ тахсан үлэлээтилэр.
Кыргыдай, Балаҕаччы, Хаҕын нэһилиэктэригэр дьаҥы утары вакцинаны ылыыга уочараттаан турдулар. Балаҕаччы нэһилиэгэр Аҕа дойду сэриитин кыттыылааҕа, 95 саастаах Афанасьев Николай Иванович биир бастакынан вакцинаны ылла.
Улуус кылаабынай бырааһа Егор Григорьев:
— Бүгүҥҥү туругунан улууска вакцинаны 1189 киһи ылла. Бу күннэргэ вакцина саҥа баартыйата кэлиэхтээх. Улууспут дьоно вакцинаны көхтөөхтүк ылан эрэллэр, — диэтэ.
Ульяна Захарова.
+1
+1
+1
+1
+1
+1
+1