Байыаннай сулууспаҕа ыҥырыллааччыттан ыспыраапка ирдэниэҕэ...
Олох-дьаһах

Байыаннай сулууспаҕа ыҥырыллааччыттан ыспыраапка ирдэниэҕэ

Байыаннай сулууспаҕа ыҥырыллааччыттан коронавируһунан ыалдьыбатын туһунан ыспыраапка ирдэниэҕэ.

edersaas.ru

Москваҕа ыытыллыбыт Росгвардия коронавирус тарҕаныытын утары суһал ыстаабын мунньаҕар бу туһунан кэпсэттилэр. Биэдэмистибэ дириэктэрин  солбуйааччы Алексей Кузьменков байыаннай сулууспаҕа ыҥырыллааччы коронавируска анаалыһын туттарбыт, дьаҥа суоҕун туоһулуур ыспыраапкалаах буолара ирдэниэҕэ диэн эттэ.

Ону таһынан,  призывник вокзалтан, аэропортан сулууспалыыр  чааһыгар диэри анал тырааныспарынан эрэ барыаҕа диэн буолла. Маныаха дьаҥтан харыстанар малынан-салынан толору хааччыллыахтааҕа, доруобуйатын туруга бэрэбиэркэлэниэхтээҕэ этиллэр. Бу туһунан Росгвардия пресс-сулууспата иһитиннэрэр.

Ньургуйаана Иванова, «Саха сирэ”  хаһыат, edersaas.ru

Хаартыска sakha.gov.ru

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

3 × 5 =