Бааттаах Кырата: «Дойду баһылыгын этиититтэн санаам бөҕөргөөтө»

Бөлөххө киир:

Бэҕэһээ Арассыыйа үгүс олохтооҕо дойду тэбэр сүрэҕэ Владимир Путин үгэс буолбут пресс-кэмпириэнсийэтин иһиттэ. Дьокуускай куорат олохтооҕо Елизавета Попова-Бааттаах Кырата эмиэ сыл аайы көтүппэккэ истэрин, дойду балаһыанньатын билэргэ хайаан да наадатын астына бэлиэтээтэ.

«Дойду баһылыга Владимир Путин Арассыыйа араас муннугуттан 507 сонуну киэҥник тарҕатар сириэстибэ кэрэспэдьиэннэригэр кэмпириэнсийэтин истэн баран  санаам бөҕөргөөтө.

Бу уустук балаһыанньаҕа да олордорбут, ис кыахпыт үрдүүр эбит. Холобур, 2021 сылга Арассыыйа үрдүнэн үлэ үгүс хайысхатынан үрдээһин баар, тутууга, гаастааһыҥҥа, оттук хостооһунугар уо д а. Ол гынан, биллэн турар, доруобуйа харыстабылыгар, ыал, дьиэ кэргэн бэлиитикэтигэр ороскуот үрдээбит.

Информатизация күүскэ сайдыбытын туһунан эттэ. Ол күннээҕи олохпутугар билиннэ. Тутааччыларга махтанна,  саҥа Арассыыйаҕа  сыл устата 90 мөлүйүөн кв.м. аан маҥнай туппуттарын бэлиэтээтэ. Мэдиссиинэ үлэһиттэригэр махтанна. Тас дойдуларга иэспит кыччаабыт. Инфляция 8% буолуохтааҕын ыйда.Биллэн турар, тыа хаһаайыстыбатыгар быйылгы сайыҥҥа буолбут балаһыанньа ыараханыттан  үүнүүнү ылыыбыт кыччаабыт. Гааһы атыылааһыҥҥа тас дойдулар сыһыаннара уларыйыыта баар диэтэ. Холобур, ФРГ-нан Польшаҕа тиийэр оҥорбуттарын аҕалла. ФРГ кытары уһун болдьохтоох дуогабарынан үлэлиибит, онон ылан баран, Польшаҕа эргинэ олорор диэтэ. Бөҕү-саҕы переработкалааһыҥҥа үлэ күүскэ  барыахтааҕын ыйда. Переработкалыыр сыах, собуот куорат да ортотугар тутулларыттан куттанымыахха наада, охсууну оҥорбот гына суоттаммыт дьыала эбит.

Демография Арассыыйаҕа 1941-45 сс, онтон 1990-с сылларга аччаабытын билэбит. Ол иһин, бырабыыталыстыба бу хайысхаҕа сүрүн болҕомтотун ууран, балачча үрдэттэ. Өссө да манна үлэлиэхтээхтэрин ыйда.

Пандемия иннинэ үлэтэ суохтар 4,6% ылар эбит буоллахтарына, 2021 сылга 4,3% буолла, бу бэрт көрдөрүү буоларын тоһоҕолоон эттэ. Онон дойдубут  олохпут бары хайысхатыгар ааҕынан-суоттанан олороруттан, көмүскэл, өйөбүл баарыгар толору эрэнним».

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0