Дьааҥы киинигэр уу таһыма кутталлаах кирбиини ааста. Нэһилиэнньэлээх пууҥҥа уу киирбитэ бэлиэтэммэт, ол туһунан Саха сиринээҕи ЫБММ иһитиннэрэр.
УГМС дааннайдарынан, күнүс 12 чааска Баатаҕайга уу таһыма 973 см буолбут (кутталлаах кирбии 970 см). Икки чаас иһигэр уу 4 см-нан үрдээбит.
Бөһүөлэккэ уу киирбэтин гына тустаах үлэлэр кэмигэр ыытылыннылар. Аҕыйах хонуктааҕыта Дьааҥы өрүһүнэн ааһар суолу 4150 м3 кумаҕынан, гравийынан ыспыттар. Маннык 1300 миэтэрэҕэ тиийэ суолу оҥорбуттар. 80 киһи, 6 анал тиэхиньикэ үлэлээбит.
Уу киирэр түгэнигэр 1500 кумахтаах куулу бэлэмнээбиттэр. Манна барар үлэни СӨ Нэһилиэнньэ олоҕор-дьаһаҕар куттал суох буолуутун хааччыйар Судаарыстыбаннай кэмитиэт бэрэссэдээтэлин солбуйааччы Иннокентий Андросов сүрүннүүр.
+1
+1
+1
+1
+1
+1
+1