Дьааҥы (Үөһээ Дьааҥы) улууһугар, Баатаҕайга, балыыһа комплексын тутуута түмүктэнэн эрэр.
Сытан эмтэнэр отделениелаах, биир симиэнэҕэ 180 киһини көрөр поликлиникалаах, гараастаах. Уопсайа 3000 кв.миэтэрэ иэннээх, икки мэндиэмэннээх таас тутууну балаҕан ыйын 30 күнүгэр үлэҕэ киллэрэр былааннаахтар. Улуус хаһыатын кэрэспэдьиэнэ тутууга сылдьан үлэни-хамнаһы сиһилии билсибитин туһунан СИА суруйбут.
Прораб Вячеслав Константинов: «Тутааччылар өрөбүлэ суох сарсыардаттан киэһээҥҥэ диэри үлэлииллэр. Манна олохтоох ыччаты сэргэ, Дьокуускайтан, 20 киһи Таджикистантан бааллар. Күн ахсын төһө үлэ толоруллубутун, матырыйаалы көрөбүн-истэбин. Балыыһаны болдьоҕор туттарыахпыт», — диэбит.
Дьааҥылар саҥа, улахан тутуу үлэҕэ киирэ охсорун күүтэллэр. Манна мэдиссиинэ көмөтө биир сиргэ оҥоһуллара дьоҥҥо-сэргэҕэ ордук табыгастаах буолуоҕа.
+1
+1
+1
+1
+1
+1
+1