Баатаҕайдааҕы ньиэп баазатыгар уот суоһаабат

Ааптар: 
Бөлөххө киир:

Бэҕэһээ Бырабыыталыстыба Бэрэссэдээтэлин бастакы солбуйааччы Алексей Колодезников видеокэмпириэнсийэ киэбинэн Саха Өрөспүүбүлүкэтин уоттан сэрэхтээх буолууну хааччыйыыга уонна ыксаллаах быһыыны-майгыны сэрэтиигэ, туоратыыга хамыыһыйатын сүбэ мунньаҕын ыыппыта.

edersaas.ru

Сүбэ мунньаха ойуур баһаара туруутунан сибээстээн, Абый, Аллараа Халыма, Эбээн Бытантай уонна Орто Халыма улуустарыгар олохтоох суолталаах ыксаллаах-быһыы майгы биллэриллэрин туһунан этиллибитэ. Ону таһынан, Дьааҥы улууһугар эбии дьону ыытарга быһаарыы ылыллыбыта.

Бу улууска Баатаҕай бөһүөлэгиттэн 5,3 км сиргэ турбут 11 гектар тыаны хабар уоту бохсууга лесничество үлэһиттэрэ, «Авиалесоохрана» байыастара, баһаарынньыктар уонна ЫБММ исписэлиистэрэ биэс тиэхиньикэнэн сэбилэнэн, охсуһа сылдьаллар. Минерализованнай балаһаны оҥордулар, уоту бохсоллор, көрдүгэннээбэтин, салгыы барбатын маныыллар, онон «Саханефтегазсбыт» баазатыгар куттал суоһаабат буолла диэн Экология, айылҕаны туһаныы уонна ойуур хаһаайыстыбатын министиэристибэтин пресс-сулууспата иһитиннэрэр.

Уот турар кутталлаах кэмэ саҕаланыаҕыттан ойуур пуондатын сиригэр-уотугар 560 ойуур баһаара (1 646 605 гектар), ол иһигэр ордук харыстанар территорияҕа 136 ойуур баһаара (8 742 гектар) бэлиэтэммит.

Раиса Сибирякова, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0