Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина урбаанньыттарга көмө оҥоһулларын бэлиэтээн эттэ.
Ыстаап бүгүҥҥү мунньаҕар урбаан, атыы-эргиэн уонна туризм миниистиригэр Высоких И.С. урбаанньытарга оҥоһуллар көмө туһунан нэһилиэнньэҕэ киэҥник тарҕатарыгар сорудах бэриллибитин иһитиннэрдэ.
Ону таһынан, Ольга Балабкина билигин бааннартан кирэдьииккитин төлөөҥ диэн смс-иһитиннэриилэр кэлэллэриттэн долгуйумаҥ диэтэ. Итинник иһитиннэриилэр баан систиэмэтигэр эрдэттэн оҥоһуллаларын эттэ. Дьокуускай куорат бааннара смс-тар барыыларын хонтуруолга ылыах буолбуттарын бэлиэтээтэ. Бу ордук орто уонна дьоҕус урбаан тэрилтэлэригэр туһаайыллар.
Ньургуйаана Иванова, “Саха сирэ” хаһыат, edersaas.ru
Хаартыска интэриниэттэн
+1
+1
+1
+1
+1
+1
+1