«МегаФон» суотабай сибээс хампаанньата ааспыт сыллааҕы үлэтин түмүгүн таһаарда. Ол курдук 2018 сылга өрөспүүбүлүкэ 14 улууһун 18 нэһилиэнньэлээх пуунугар сибээс хаачыстыбатын тупсаран, олохтоохтор мобильнай интэриниэтинэн хото туһанар буоллулар.
edersaas.ru
Хампаанньа сибээс хаачыстыбатын тупсарыыга бары болҕомтотун уурар. Ленскэйгэ, Жатайга, Нерюнгрига, Томмокко, Мииринэйгэ, Аллараа Кураанахха, Булгунньахтаахха, Намҥа, Чурапчыга, Ытык Күөлгэ уонна Бороҕоҥҥо мобильнай интэриниэт тэтимэ түргэтээтэ.
Өлүөхүмэҕэ, Ленскэйгэ, Хаандыгаҕа, Ньурбаҕа, Дьокуускайга, Хатаска, Мархаҕа 2G/3G уонна 4G+/LTE сибээс саҥа эбийиэктэрэ үлэҕэ киллэрилиннилэр. Корпоративнай килийиэннэр туруорсууларын учуоттаан, Анаабыр, Нерюнгри, Ленскэй баахтабай бөһүөлэктэригэр тирэх станциялар тутулуннулар.
«Биһиги абонент туһугар үлэлиибит. Сибээс хаачыстыбатынан суотабай оператор үлэтин сыаналыыллар. Инникитин даҕаны мобильнай интэриниэт хаачыстыбатын тупсарыыга үлэлиэхпит», — диэн «МегаФон» Саха сиринээҕи салаатын тиэхиньиичэскэй салайааччыта Сергей Ким иһитиннэрдэ.
Биһ. корр., edetsaas.ru