Кулун тутар 29 күнүгэр Ил Дархан Айсен Николаев өрөспүүбүлүкэтээҕи суһал ыстаап мунньаҕын ыытта. Ол туһунан пресс-сэкиритээрэ Афанасий Ноев иһитиннэрдэ.
Мунньах кэмигэр санитарнай-эпидемиологическай балаһыанньаҕа саҥа ирдэбиллэри ылыннылар. Ол курдук, бырамыысыланнай тэрилтэлэргэ баахтанан үлэлии кэлэр үлэһиттэр коронавируснай инфекцияны утары быһыыны ылбыт эрэ буоллахтарына, кэлэллэрэ көҥүллэнэр. Ону тэҥэ, Саха сиригэр бастайааннай бырапыыскалаах эрэ дьон босхо быһыыны ылар кыахтаахтар.
Суһал ыстаап мунньаҕар Роспотребнадзор, ИДьМ, доруобуйа харыстабылын министиэристибэтин, уо.д.а. бэрэстэбиитэллэрин дакылааттарын иһиттилэр.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1