Бэҕэһээҥҥиттэн батсаапка Мэҥэ Хаҥалас улууһугар баабыры көрбүттэр үһү диэн сурах тарҕанна.
«Баабыр тимир суол станциятын диэки баран иһэр. Сэрэниҥ!», «Цииркэ баабыра куоппут үһү» диэн сурахтар батсаапка бөлөхтөн бөлөххө тарҕаннылар. Онтон бүгүн баабыры туппут аатырдылар уонна өссө хаартыскатын ыыттылар.
Тугун-ханныгын билээри бу күннэргэ Дьокуускайга гостуруоллуу сылдьар «Цирк-Крокус» хампаанньаны кытары сибээстэһэ сатаатыбыт да, төлөпүөннэрин ылбатылар.
Мэҥэ Хаҥаласка туппут баарбырдарын хаартыскатын интэриниэккэ Гуглга көрдөөтүбүт уонна баабырбытын булан ыллыбыт (!!!). Ол курдук, батсаапка тарҕаммыт хаартыска олох да интэриниэккэ баар хаартыската эбит.
+1
+1
+1
+1
+1
+1
+1