Ленскэй олохтооҕо олоҕун саҥаттан олорор баҕаттан, Арассыыйа атын куоратыгар көспүт. Саҥа сиргэ олохсуйан баран, Сбербааҥҥа кирэдьииттээҕин туһунан таһыччы умнан кэбиспит.
Анивера Акимова, «Саха сирэ», edersaas.ru
Ол курдук, кини бааҥҥа 474 тыһ. солкуобай иэстээх эбит. Баан үлэһиттэрэ иэскин төлөө диэн араастаан ааттаһа сатаабыттар. Олоҕун саҥалыы уларытар санаалаах киһи, онно кумаардаан да көрбөтөх. Бааннар кэтэһэ-манаһа сатаан баран, суукка дьыала түһэрбиттэр.
Суут бириистэптэрин федеральнай сулууспатын Саха сиринээҕи управлениетын
Ленскэйдээҕи салаатыгар иэс-күүс туһунан иһитиннэрии уонна «Банк данных исполнительных производств» сервис испииһэгэр киирбит. Бу иэстээх киһи суотабай төлөпүөнүгэр «ФССП» анал сыһыарыыта туруоруллубутун кэннэ, Ленскэй урукку олохтооҕо сибээскэ тахсарыгар тиийбит. Онон олунньу 7 күнүгэр 474 тыһ. солкуобай харчыны бааҥҥа төнүннэрбит.
Анивера Акимова, «Саха сирэ» хаһыат, edersaas.ru