Дьокуускайга куорат кытыытынааҕы тыаларга баһаартан куттал суох буолуутун ирдэбиллэрин кэһэр дьону буларга рейдэлэр ыытыллыахтара диэн Дьокуускай уокуруктааҕы дьаһалтатыгар Саха сирин эрэгийиэнин салайар киин иһитиннэрдэ.
Рейдэлэр ыам ыйын 1 күнүттэн балаҕан ыйын 26 күнүгэр диэри буолуохтара. Бэрэбиэркэ сүрүннээн маассабай сынньалаҥ уонна булт сирдэригэр ыытыллыаҕа.
«Икки бөлөх үлэлиэҕэ. Бастакы бөлөх Покровскайдыыр суол 16-25 км диэри, Табаҕа тумулунан уонна көтөр фабрикатын оройуонунан бэрэбиэркэлиэҕэ. Иккис бөлөх— Намныыр суол 14-22 км, Маҕанныыр суол 7 км Маҕаҥҥа диэри, Нам уонна Хаҥалас тумулунан, оройуоннары хабыаҕа», — диэн Дьокуускай куорат дьаһалтатын гражданскай оборонаҕа уонна ыксаллаах быһыыга-майгыга салалтатын сүрүн исписэлииһэ Заур Бабаев иһитиннэрдэ. Ирдэбили кэһии таҕыстаҕына физическэй сирэйдэр 3 тыһыынчаҕа диэри, дуоһунастаах дьон — 20 тыһыынча солкуобайга, юридическай сирэйдэр — 200 тыһыынчаҕа диэри ыстарааптаныахтара.
