Ойуур баһаардарын утары охсуһууга идэтийбит баһаарынньыктары кытары нэһилиэнньэттэн хомуллубут, баҕа өттүлэринэн кэлбит дьон үлэлээтилэр.
Баһаар турбут сиригэр уһуннук сылдьыбыт киһи курунньуктан, хойуу буруоттан тыҥата эрэ буолбакка, этэ-сиинэ барыта эмсэҕэлиир. Ити иһин Доруобуйа харыстабылын министиэристибэтэ баһаары умуруорууга, бохсууга, манааһыҥҥа сылдьыбыт дьоннору босхо диспансеризацияҕа, доруобуйаларын туругун көрдөрүнэргэ ыҥырар. Онуоха олорор сиринэн сыһыарыллыбыт эмп тэрилтэлэригэр тиийиэххэ наада.
Ойуур баһаардарын буруоларыттан сылтаан, аһаах дьон доруобуйаларын туруга мөлтөөн, эмчити ыҥыраллара чаастатыйда. Сүрүннээн тыынар уорганнарын уонна хааннарын эргиирин үлэтэ мөлтөөбүтүн этэллэр. Онон доруобуйаҕыт туруга мөлтөөбүтүн, туох эмит кэһиллии тахсыбытын биллэргит эрэ, суһаллык эмчиттэри ыҥырыҥ.
Дьокуускай куорат поликлиникаларын төлөпүөннэрэ:
Дьокуускай к. Медицина киинэ – үлэ күннэригэр 211045, өрөбүллэргэ 500003;
1 №-дээх поликлиника – 89841164617;
Дьокуускай к. 2 №-дээх балыыһата – 89148235200;
Дьокуускай к. 3 №-дээх балыыһата – 506426;
Өрөспүүбүлүкэтээҕи 3 №-дээх клиническэй балыыһа – 89141053471.
Суһал көмө нүөмэрдэрэ – 03, 103, 112.
Раиса Сибирякова, «Саха сирэ», edersaas.ru