Баһаары бохсооччу үлэһит миэстэтэ бүтэн эрэр. Кытаатыҥ.

Бөлөххө киир:

Өрөспүүбүлүкэ бастакы вице-премьерэ Дмитрий Садовников сорудаҕынан, дьарыктаах буолуу судаарыстыбаннай кэмитиэтэ олунньуттан саҕалаан,  Авиалесоохрана уонна Якутлесресурс тэрилтэлэргэ эбии үлэһиттэри ыларга көмөлөһөр.

«Авиалесоохрана» судаарыстыбаннай тэрилтэҕэ 184 бакаансыйа баарыгар 166 киһини үлэҕэ ыллылар. Онтон «Якутлесресурс» автономнай тэрилтэ 371 бакаансыйатыгар өссө 89 киһини ылара хаалла, 282 киһи хайыы-үйэ манна үлэ булла.

Дьарыктаах буолуу кэмитиэтин бэрэссэдээтэлин солбуйааччы Савва Михайлов:
— Өрөспүүбүлүкэ салалтатын сорудаҕын толорон, биэдэмэстибэ бирикээһин таһаарбыппыт уонна муниципалитеттартан каадырдары актыыбынайдык көрдөөн барбыппыт. Улуустарга нэһилиэнньэ дьарыктаах буолуутун кииннэрэ тута кыттыстылар. Ол иһигэр, Горнай улууһа үлэ дьаарбаҥкатын тэрийдэ. Онон холбоһуктаах күүһүнэн сөптөөх састаап хомулунна. Үлэ билигин да салҕанар, – диэн иһитиннэрдэ.

Онон, үлэлиэн баҕалаахтар олорор сирдэригэр нэһилиэнньэ дьарыктаах буолуутун киинигэр кэлэн билсиэхтэрин сөп.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0