Бэрээдэк

Баһаартан сэрэхтээх буолуу туһунан кэпсэттилэр

СӨ Тутууга уонна дьиэни-уоту хонтуруоллааһыҥҥа судаарыстыбаннай управлениены салайар Павел Аргунов «Якутия» уопсастыбаннай-бэлитиичэскэй хаһыат тэрийбит «төгүрүк остуолугар» кытынна.

edersaas.ru

«Төгүрүк остуолга» олорор сиргэ, дьиэҕэ-уокка баһаартан сэрэхтээх буолуу туһунан кэпсэттиллэр. Куйаар ситиминэн ыытыллыбыт мунньахха СӨ баһаары утары охсуһар судаарыстыбаннай сулууспа, ЫБММ Саха сиринээҕи салаата, «Якутскэнерго» тэрилтэтэ, хапытаалынай өрөмүөн пуондата,  нэһилиэнньэ олоҕор куттал суох буолуутун хааччыйыы судаарыстыбаннай кэмитиэтэ кыттыыны ыллылар. Баһаар төрүөттэрин, сэрэтэр үлэлэр тустарынан кэпсэттилэр.

Бэлиэтээбиттэринэн баһаар 42%-на олорор дьиэлэргэ буолар. Уокка дьон 86% былдьанар эбит. Баһаар үксүн уоту сэрэҕэ суохтук туттууттан тахсар диэн эттилэр. Бу сыл үс ыйыгар өрөспүүбүлүкэ үрдүнэн номнуо 145 баһаар бу биричиинэнэн тахсыбыт. Иккис төрүөтүнэн – электрическэй тэриллэр уонна оһохтор туттууллууларын быраабылаларын кэһии буолара бэлиэтэнэр. Мантан сылтахтанан 161 баһаар буолбут.

Эспиэрдэр баһаартан сэрэхтээх буоларга хонтуруолу улаатыннарары, тиһиктээх оҥорору эттилэр. Ону таһынан, баһаартан көмүскэнэр систиэмэлэри күүһүрдүү үлэтин ыытыахха наадатын бэлиэтээтилэр.

Виктория Бястинова, edersaas.ru, «Саха сирэ» хаһыат. 

Хаартыска www.sakha.gov.ru

0
0