Баһаартан сэрэхтээх буол – АДПИ туруор!

Бөлөххө киир:

Дьиэҕэ-уокка баһаартан сэрэхтээх буолуу социальнай аахсыйатын нэһилиэнньэ олоҕор-дьаһаҕар куттала суох буолууну хааччыйар Судаарыстыбыаннай кэмитиэт бэрэссэдээтэлэ Дмитрий Лепчиков саҕалаата.

Биэдэмэстибэ пресс-сулууспата иһитиннэрбитинэн, аахсыйанан ситимнээн Дьокуускайга элбэх оҕолоох Артемьевтар дьиэ кэргэҥҥэ буруо таҕыстаҕына баһаартан сэрэтэр АДПИ тэрили туруорбуттар.

«Дьиэҕэ-уокка баһаартан сэрэтэр үлэни тэрийэр туһуттан барыларын бу аахсыйаҕа кыттарга ыҥырабын. Баһаары сэрэтэн АДПИ тэрили дьиэҕэр туруор!» — диэн этэр Дмитрий Лепчиков.

Дмитрий Лепчиков бу аахсыйа эстафетатын ОДьКХ уонна энэргиэтикэ миниистиригэр Вячеслав Емельяновка уонна Булуҥ улууһун баһылыгар Афанасий Андросовка, ону сэргэ баһаары утары Судаарыстыбаннай үлэлиир сулууспа салайааччыта Руслан Босиковка туттарда.

Бэлиэтээн эттэххэ, баһаары сэрэтэр социальнай аахсыйа ааспыт сыл саҕаламмыта. Манна 750 киһи кыттыыны ылбыта. Бырайыак өҥөтүнэн Саха сирин үрдүнэн 1850 АДПИ элбэх оҕолоох ыал дьиэтигэр, соҕотох олорор кырдьаҕастарга уонна доруобуйаларынан хааччахтаах дьон дьиэлэригэр турда.
Бу сыл «22 сылга 22 бастыҥ көҕүлээһин” диэн бырайыак чэрчитинэн Саха АССР 100 сыллаах, Госкомобеспечение 10 cыллаах, Баһаарынай манабыл 205 cыллаах үбүлүөйдэрин көрсө ыытыллыаҕа.
АДПИ – автономнай баһаары сэрэтэр тэрил кыра да буруо сытыгар улахан тыас таһааран дьону сэрэтэр. Оннооҕор түүн ортото тыаһаан дьону уһугуннаран иэдээн тахсарыттан сэрэтэр аналлаах. Хас биирдии ыал дьиэтигэр маннык тэрил баар буолуохтаах. Аахсыйа туһунан сиһилии нэһилиэнньэ олоҕор-дьаһаҕар куттала суох буолууну хааччыйар Судаарыстыбаннай кэмитиэт саайтыгар ааҕыахха сөп.

Ульяна Захарова

+1
0
+1
0
+1
0
+1
0
+1
0
+1
0
+1
0