Уопсастыба

Баһаарга сылдьар дьоҥҥо уһуйааннар үлэһиттэрэ ас астаан ыыталлар

Бу күннэргэ  ойуур баһаардара буола турар улуустарыгар  оҕо уһуйааннарын үлэһиттэрэ биир бастакынан көмөлөһөн, ыарахан үлэҕэ сылдьар дьону сылаас аһынан хааччыйаллар.

Ол курдук, бу киэһэ Бүлүүтээҕи «Аленушка», «Веселые нотки», «Солнышко» уһуйааннар үлэһиттэрэ Кыргыдайга буола турар ойуур баһаарыгар сылдьар дьоҥҥо алаадьы, бурдук ас арааһын,

сып-сылаас сибиэһэй ыһаарыламмыт минньигэс балыгы астаан ыыттылар.

Бу туһунан Бүлүү улууһун дьаһалтатын инстаграмыгар иһитиннэрдилэр.

 

Елена ПОТОЦКАЯ, «Саха сирэ» хаһыат.

 

Хаартыска — Бүлүү улууһун дьаһалтатын пресс-сулууспата.

0
0