Бүгүн, муус устар 14 күнүгэр, 12:00 чааска Саха сирин Бырабыыталыстыбатын бэрэссэдээтэлин солбуйааччы Ольга Балабкина эрэгийиэҥҥэ коронавирус балаһыанньатын туһунан брифиҥҥэ кэпсээтэ.
— Ааспыт сууккаҕа өрөспүүбүлүкэ үрдүнэн 30 киһи ыарыйда:
— Дьокуускайга 13 киһи;
— Алдан, Уус Алдан, Томпо улуустарыгар — 2-лии киһи;
— Хаҥалас, Чурапчы, Таатта, Ньурба, Мэҥэ Хаҥалас улуустарыгар — 1-дии киһи коронавируска сутулунна.
Сууккаҕа 1678 тиэс оҥоһулунна. Нэһилиэнньэни маассабайдык вакциналааһын салҕанар. Саха сиригэр быһыы икки көрүҥэ оҥоһуллар — «Спутник» уонна «Вектор» хампаанньа вакциналара. Уопсайа өрөспүүбүлүкэ үрдүнэн 76,4 %-а вакцина туттулунна. Вакцинация саҕаланыаҕыттан 84 тыһыынча быһыы оҥоһулунна. Ааспыт сууккаҕа түөрт тыһыынча киһи быһыыны ылла.
Аҕам саастаах дьон быһыыны ылаллара булгуччулаах. Олорор сиргитинэн поликлиникаҕа эбэтэр Судаарыстыбаннай өҥө порталынан суруйтаран, быһыыны ылыаххытын сөп, — диэн Ольга Балабкина быһа эпииргэ кэпсээтэ.