Бүгүн, ахсынньы 10 күнүгэр, бырабыыталыстыба бэрэссэдээтэлин солбуйааччы Ольга Балабкина быһа эпииргэ тахсан уопсай балаһыанньаны билиһиннэрдэ.
Ол курдук, бүтэһик сууккаҕа өрөспүүбүлүкэ үрдүнэн 205 киһи дьаҥҥа сутуллубут. 95 киһи Дьокуускайга ыалдьыбыт. Нерюнгри, Алдан оройуоннарыгар 10-нуу киһи ыалдьыбыт. Мииринэйгэ, Хаҥаласка 7-лии киһи ыалдьыбыт. Сүрүн болҕомтону санитарнай ирдэбили уонна мэдиссиинискэй көмөнү оҥорууга ууруохха наада диэтэ. Бүтэһик сууккаҕа 3647 анаалыс оҥоһуллубут. Маны сэргэ,өрөспүүбүлүкэҕэ номнуо 300 тахса коронавирус дьаҥын утарар быһыы кэлбитин иһитиннэрдэ. Быһыылар маркировканы аастылар даҕаны быһыылары мэдиссиинэ үлэһиттэригэр испииһэгинэн биэрэр туһунан кэпсээтэ. Бастакы күөҥҥэ мэдиссиинэ, социальнай тэрилтэ үлэһиттэрэ бу быһыыны ылыахтаахтарын бэлиэтээтэ. Ону таһынан быһыыны улуустарга тиэрдэр буоллахха, хас биирдии балыыһаҕа быһыыны сөпкө тутар тымнытар оборудование баар буолуохтааҕын бэлиэтээтэ.
Ульяна Захарова, edersaas.ru