Ил Дархан Айсен Николаев бүгүн, балаҕан ыйын 9 күнүгэр, өрөспүүбүлүкэҕэ сүөһү аһылыгын бэлэмнээһин боппуруостарынан сүбэ мунньах ыытта.
«Бүтэһик нэдиэлэҕэ өрөспүүбүлүкэҕэ 12 тыһ. от соҕотуопкаланна. Онон, бу тэтими ыһыктыбакка, өссө күүскэ үлэлиэхпитин наада», — диэн Айсен Николаев сорук туруорда.
Сүөһү аһылыгын бэлэмнээһин туһунан иһитиннэриини СӨ тыа хаһаайыстыбатын миниистирэ Александр Атласов оҥордо. Ол курдук билиҥҥи туругунан, өрөспүүбүлүкэҕэ 342, 5 тыһ. т от бэлэмнэнэн, былаан 77% туолбутун эттэ. 19,8 тыһ. т сиилэс, 5,5 тыһ. т сенаж оҥоһуллубут.
Билигин өрөспүүбүлүкэ үрдүнэн 208 мобильнай биригээдэ үлэлиир. Биригээдэлэр билиҥҥитэ 18, 770 т оту оттообуттар.
Сүбэ мунньах түмүгэр Айсен Николаев тыа хаһаайыстыбатын министиэристибэтигэр миэстэлэринэн оту бэлэмнээһин үлэтин күүһүрдэргэ эттэ.
edersaas.ru
+1
+1
+1
+1
+1
+1
+1