Өрөспүүбүлүкэтээҕи суһал ыстаап брифинигэр, олунньу 19 күнүгэр, Ольга Балабкина кэнники нэдиэлэҕэ олохсуйбут балаһыанньаны бигэтийдэ диэн эттэ. Ол курдук, коронавирустааччы ахсаана күҥҥэ 50-60 киһиттэн үрдээбэт буолбута хас да хоммут.
edersaas.ru
Бүтэһик хонукка өрөспүүбүлүкэ үрдүнэн 58 киһи коронавируска сутуллубута биллибит. Итилэртэн 25 киһи киин куоракка олорор. Ону таһынан, ыалдьыбыттар бу улуустарга көстүбүттэр: Мииринэй оройуонугар 11 киһи; Нерюнгрига — 6; Орто Халымаҕа — 6; Үөһээ Дьааҥыга, Өймөкөөҥҥө, Томпоҕо, Уус Маайаҕа, Алдаҥҥа, Мэҥэ Хаҥаласка, Аллараа Халымаҕа биирдии-иккилиилээн киһи ыалдьыбыта бэлиэтэнэр.
Ольга Валерьевна коронавирус төһө да намтаабытын иһин, ыарахан туруктаах ыарыһахтар күн аайы эбиллэ туралларын иһитиннэрдэ. Дьону-сэргэни сэрэнэн сылдьалларыгар эттэ.
Биир хонук иһигэр өрөспүүбүлүкэ лабораторияларыгар 1 981 анаалыс оҥоһуллубут. Пандемия саҕаланыаҕыттан барыта 953 558 тест оҥоһуллубут.
«Саха сирэ» хаһыат, edersaas.ru